Biometric Attendance hman tangkai a ni

General Administrative Department (GAD) hotute chuan Biometric Attendance hman a nih hnuah sawrkar hnathawkte'n hun an vawn dik thu DDK palai an hrilh.

Kumin March ni 15, 2024 atanga hman, Biometric Attendance hi Mizoram sawrkar hmunpui, Secretariat, MINECO-ah tangkai taka hman zel a ni a, Mizoram Sawrkar hnuaia hnathawkte pisa-a an luh leh chhuah hun hriat a nih theihnana ruahman Biometric Attendance hi hman tan a nih atangin pisa kal tlai an tlem phah hle a, zing dar 8:50 bawr velah chuan pisa thleng an thahnem tawh hle thin a, Pisa chhuahsan dawn pawhin khawlah hian in-report zel ngai tawhin, a hun hmaa haw pawh an tlem tawh thu GAD hotute chuan an sawi bawk a ni.

Pisa kai hun hi zing dar 9:00 niin minute 15 thleng chu inhriathiamna neih a ni a, a hnu lama pisa thleng, kal tlaite chu chhinchiah zel an ni a, vawi thum aia tam tlaite chu Casual Leave ziah sak thin an ni. Biometric Attendance hi chawlhkar 2 danah Department-tinin GAD-ah thehlut thinin, a khaikhawmna chu Chief Secretary hnenah theluh leh thin a ni bawk. Sawrkar hnathawkte pisa kai hun leh haw hun chhinchhiahna hi sawrkar pisa zawng zawngah dah tur a ni mah se, la hman lohna a awm nual thung a ni.