Nasa leh hlawk zawka ruihhlo do tum a ni dawn

Chief Minister Lalduhoma chuan Sawrkar tharah tunhma aia nasa leh hlawk zawka ruihhlo do an tum dawn tih a sawi.

Ruihhlo do kawnga hmalak zel dan tur relin nimin khan CM Conference Hall-ah Chief Minister ho hian Ruihhlo Do Core Committee te chu an thukhawm a. He hunah hian Chief Minister chuan Sawrkar tharah tunhma aia nasa leh hlawk zawka ruihhlo do an tum dawn tih sawiin, Ruihhlo dona atana ruahmanna tha leh tangkai tur ngaihtuah a ni dawn tih a sawi a, Sum leh pai mamawh tur a tul anga ngaihtuah zel a ni ang, a ti bawk.

He thutkhawmah hian ruihhlo Supply tihtlem kawnga hmalakna chu Excise & Narcotics lamin kengkawh se an ti a, Ruihhlo supply titlem tura sum leh pai mamawh te, a dona lama sawrkar puitu tlawmngai pawlte hnena thuneihna pek dan tur leh an hmanraw mamawh pek dan tur te rel a nih bakah Ruihhlo ngai te enkawlna lam chu Social Welfare lamin kengkawh se an ti bawk a. An hmalak mek te leh hmachhawp an neih te tarlangin, TNT Lunglei Building sakna tur hmuh a nih thu te, De-addiction Centre sakna tur Ministry of Tribal Affairs lama dap mek a nih dan te, District Jail pasarih thuamthatna tura hmalak mek a nih thu leh ruihhlo ngai te enkawlna lama thawhpui tur foreign lam thlenga dap a nih dan te tarlan tarlan a ni bawk. He hunah hian Home Minister K. Sapdanga, Social Welfare Minister Lalrinpuii leh Excise Minister Lalnghinglova Hmar te pawhin an Department kaltlanga hma an lak dan te an tarlang bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar