LESDE Minister in Medal la te a lawmpui

Zonuna Kawlni /

IndiaSkills Competition 2024 neih zawh taka Mizoram Team atanga Medal latu mi 8 te chu nimin khan LESDE Minister Lalnghinglova Hmar chuan a Pisa-ah thingpui a inpui.

LESDE Minister Lalnghinglova Hmar chuan Mizote chuan kut themthiam kawngah talent tha tak kan nei tih sawiin, “He kan talent hi thawhrimna, inpekna leh teirei peihna nen kan tihpun phawt chuan India ramchhung leh a pawn thlenga langsar turin theihna kan nei a ni,” a ti a. Hlawhtling tur chuan pumpelh a awm lo tih sawiin, tuna an thiamna kawl mek chu ti lian a, eizawnna tling ngei tura tipung turin a chah a. Mizoram in hlawhtlinna a chan theih nana Department Official, Trainer leh Mentor te thawhrimna leh thahnemngaihna a fak bawk.

May ni 15 atanga 19 chhunga New Delhi-a neih IndiaSkills Competition 2024-ah hian Mizoram Team chuan Gold medal pathum, Silver Medal pakhat leh Medallion of Excellence pali lain Gold Medal la te hi World Skills Competition-ah India aiawhin an tel dawn a ni.

Comments

Post a Comment

Popular News (Last 30 Days)

Serchhip DCSO sawn a ni

Zonuna Kawlni /
Image
Serchhip-a District Civil Supply Officer (DCSO) mawhphurhna la mektu Vanlalhriata chu FCS&CA Directorate-ah Asst. Director hna chelh tura sawn niin Asst. DCSO hna chelh mektu R. Zirliana pawh Kolasib-a DCSO hna chelh tura sawn a ni bawk a. Serchhip-a DCSO hna chelh tur hian FCS&CA-a Deputy Director nilai Lal-hmuakliana chu dah a ni.
Kimchang zawkin »