Ranchaw tharchhuah tipung tura hmalakna sawipui

Chief Minister Lalduhoma chuan Inrinni khan Mizoram Veterinary Service Association (MVSA) hruaitute a chenna In-ah kawmin, ranchaw tharchhuah tipung tura hmalakna awm thei te a sawipui.

He an inkawmna ah hian Chief Minister chuan Ranchaw tharchhuah tipung tura hmalakna, Bawng chaw chinna tihzauh te, khawl hmanga ranchaw siamchhuah mek pawh State danga mi el phaka quality tihsan te,Vaimim, Bekang leh mamawh dang chingtute rate tha zawka an thlai leisak tha a tih thu te MVSA hruaitute hi hrilhin; ruahmanna lo duang a thehlut rang turin a chah a. Bana kaih leh sawrkar hmalakna dangte chu a dawngtu tur thlangtu Official te an nih dawn avangin duhsak bik nei lo a, a hlawhtling thei tur apiangte thlangchhuaka, a hlawhtling thei ngei turte chu liantham deuh taka tanpui pawh an inhuam thu a hrilh a ni.

MVSA hruaitute hian Chief Minister's Relief Fund atan cheng nuai khat pein, Chief Minister chuan Relief Fund chu mi harsa tak takte hnena an pek thin thu leh diltu an ngah thin avangin a chhuak chak hle tih a sawi a, Mi harsa te tanpuina pawimawh tak a ni tih sawiin, MVSA hruaitute hnenah hian lawmthu a sawi bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar