Serchhip END-a thawktu mi 2 in Medal dawng dawn

Serchhip District-a Excise & Narcotics Department a thawktu mi pahnih te chu kumin a India Republic Day lawmna neih turah Governor's Medal dawng tura thlan an ni.
Mizoram sawrkar Home Department chuan Mizoram-a Police leh Excise & Narcotics Department-a thawktute zingah an hna thawh that avanga State Level-a chawimawina sang, Governor's Medal dawng turte hming chu a tarchhuak ta a. Kumin hian chawimawina sang ber Governor's Gold Medal dawng tura thlan mi 8 zingah Serchhip-a Excise & Narcotics Department-a Sub-Inspector B. Lalengmawia (P&E Veng) chu a tel a, Governor's Silver Medal dawng tura thlanchhuah mi 8 zingah Constable Linda Lalhmangaihsangi (Serchhip Chhim Veng) chu a tel bawk a ni. He chawi-mawina hi tun thla ni 26-a India Republic Day lawmna Aizawl-a neih ah hlan tur an ni ang.