Lok Sabha MP in TNT a tlawh

Mizoram Lok Sabha MP C. Lalrosanga chuan nimin khan Aizawl Muanna Veng-a Thutak Nun-puitu Team (TNT) hmun a tlawh a, TNT hmunpui a nausen atanga puitling, pitar/putar thleng enkawl ngaite enkawl an nih dan leh an mamawhte a hmunah enpuiin, TNT a rawngbawltute inpekna leh an hnathawhte ropui a tih thu a sawi a. Pathian rinchhan a, rinna tak tak nena mi 1800 lai harsatna leh mamawh chi hrang hrang nei an enkawl dan chu fakawm a tih thu a sawi bawk. Lok Sabha MP chuan TNT a inenkawlna In leh hmunhmate chu a chep tawh hle tih a hmuhin a theih ang tawka tanpui a tum thu a sawi a. TNT Kalvari Hospital De Addiction Centre tihlen dan ngaihtuahpui a tum thu a sawi bawk. Hei bakah hian Lok Sabha MP chuan kum 2016-a ama hova din ‘Prayer for Myanmar’ hmingin kumin Krismas leh Kumthar inkar ah TNT puala chhawmdawlna programme buatsaih an tum thu a sawi bawk.