YMA in tanpuina nuai 236 chuang dawng tawh

Central YMA chuan Myanmar, Manipur leh Bangladesh tualchhung buaina avanga Zohnahthlak te tanpuina atan cheng nuai 236 chuang dawng tawhin heng atang hian cheng nuai 167 chuang pekchhuah a ni tawh.

Myanmar, Manipur leh Bangladesh tualchhung buaina avanga Zohnahthlak harsatna tawk mekte tanpui nan hian Central YMA-ah hian hmun hrang hrang atangin tanpuina a lut thin a, tun thlenga Central YMA hnena tanpuina lut tawh hi cheng nuai 236 chuang ni tawhin hemi atang hian cheng nuai 167 chuang pekchhuah tawh a ni a, tunhnaiah Mosia Agency, Aizawl chuan Rs. 230,000/- an pe leh bawk a, hmun hrang hrang atanga Zohnahthlak te tanpuina petute chungah Central YMA chuan lawmthu a sawi a ni.

Hetihlai hian Inrinni khan Central YMA President Lalhmachhuana chuan Manipur-a Zofa unaute tanpuina thilpek thawn tur chu a vailiam leh a, he hunah hian Central YMA President chuan Zofate Inpui leh Jerusalem chu Mizoram a ni tih sawiin, “A chhunga cheng Mizoram mipui te’n hmun hrang hranga Zofate harsatna tawh hi an hre reng a, an tuamhlawm zel dawn,” a ti a. Harsatna an tawh te chu a tha zawnga inpumkhat zual nan Zofate’n an hman a tul thu a sawi bawk. Tun tumah hian Central YMA hian buhfai Bag 100, thawmhnaw lum engemaw zat leh mutbu te Manipur-ah hian an thawn a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni