Thla 10 chhungin lirthei chesual-a thi 77 awm

Kumin January thla atanga October thla tawp thleng khan Mizoram-ah lirthei chetsualna ‘um 86 thlengin mi 77 in nunna an chan.

Aizawl Traffic SP Stephen Lalrinawma sawi danin, kumin-a thla 10 kalta chhung khan Mizoram chhungah lirthei chetsualna tum 86 thlengin heng ah hian mi 77 in nunna chanin lirtheia chetsualna avangin hliam na tak tuar mi 35 an awm a, hliam tenau tuar mi 67 an awm bawk a ni. Hemi hun chhung vek hian Aizawl Municipal Corporation (AMC) huamchhungah lirthei dan bawhchhia 13,298 man an ni a, an pawisa chawi tlingkhawm chu Rs. 96,33,312/- a tling a, lirthei dan bawhchhia zingah lirthei ke hnih nei chi tam berin 9,283 in dan an bawhchhia a, LMV 2,919; Taxi 595, HMV 377, Bus 78 leh MMV 34 an awm a ni. 

Lirthei dan bawhchhia zingah lirthei dahna hmun tur ni loa dah man an tam berin 2,332 zet an tling a, tlan phal lohna hmuna tlan 1,092 man ni bawkin, Wrong Side a tlan 912 man an ni a, inher phallohna hmuna in her 888 man awmin, lirthei chevel tibuai zawnga khalh 544, Helmet khum lo-a lirthei (Two Wheeler) khalh 440, Driving License nei lo 262, Traffic Signal bawhchhia 208 leh thupek zawm lo 183 man an ni bawk.