Party atangin MDC 6 te bang

/

Chakma Autonomous District Council (CA-DC)-a MDC 6 te chuan an Party atanga banna an thehlut a, ZPM sawrkar din an tum nia thudawn a ni.

Party atanga banna thehlut MDC mi 6 zinga 5 te hi BJP niin midang pakhat hi MNF a ni thung a, heng mite hian Zirtawpni khan Party atanga an banna hi thehlutin BJP atanga bang MDC te hi Hiranand Tongchangya, Amit Bayan Chakma, Sanjeev Chakma, Ajoy Kumar Chakma leh Parimal Chakma te an ni a. MNF atanga bang hi CADC-a Chairman nilai Kali Kumar Tongchangya a ni.

Chakma Autonomous District Council ah hian kumin May 9 khan inthlanpui neih niin BJP in Seat 10 leh MNF leh INC in Seat 5 ve ve an la a, MNF hian anmahni thlawptu MDC te nen sawrkar siamin Rashik Mohan Chakma chu CEM a ni a, ani hi MLA inthlanpui-ah khan Tui-chawng Bial-ah thlantlin a ni a. Hemi hnu hian Politics boruak danglam chho in Party-a bang MDC te hian CADC-ah Kali Kumar Tongchangya kaih-hruai ZPM sawrkar din an tum nia thudawn a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »