MZP in MSSSB thiah ngawt an duh loh thu an sawi

Mizo Zirlai Pawl (MZP) chuan Mizoram-a sawrkar hnathawk tur latu pakhat, Mizoram Subordinate Service Selection Board (MSSSB) pawng thiah ngawt an duh loh thu an sawi.

Nimin-a Aizawl Press Club-a thuthar thehdarhtute an kawmna ah MZP President H. Lalthianglima chuan MZP Executive Meeting-in Mizoram Sawrkarin ni 100 chhunga hma a lakna tur Cfief Minister in a puan zinga mi, MSSSB thiah a tum chungchang chu an ngaihtuah tih sawiin, “Zirchianna kan nei dawn,” a ti a. MZP President chuan Mizoram Public Service Commission (MPSC) thuam chak si loa MSSSB hnalak thin MPSC kut-a dah ngawt tha an tih loh thu sawiin, sawrkarin MSSSB thiah a tum dan an zirchian dawn thu a sawi a. MPSC thuam chak si loa MSSSB hna lak thin MPSC kuta dah a nih ngawt chuan hna lak a muan tur thu a sawiin, sawrkarin MPSC thuamchak a tum emaw, MSSSB thlakna tur a ruahman a nih chuan MSSSB thiah pawi an tihloh thu a sawi tel bawk.