Mizoram-ah Viksit Bharat Sankalp Yatra lo zawm

Prime Minister Narendra Modi chuan Inrinni khan ramchhunga Viksit Bharat Sankalp Yatra te biakhmuhtheihna hmangin hun a hmanpui a, he hun hi Mizoram atang pawhin lo zawm ve a ni.

He hunah hian ramchhung hmun hrang hrang atangin VBSY vans atangte, KVK thlanbik te leh Common Service Centre hrang hrang atangin Union Minister te, MP te, MLA te leh Department hrang hranga hotute bakah tualchhunga mi pawimawh tak tak te an tel a. Viksit Bharat Sankalp Yatra hian a tum ber chu sawrkar flagship scheme hrang hrang - Natural Farming, Soil Health Cards, etc. te a hun chhungin a dawngtu tur dik takin a Scheme an dawngin, a takin an kalpui ngei a ni tih hriatpui a ni a. He hunah hian Karnataka, Chandigarh, J&K, Bihar leh Gujarat atanga VBSY beneficiary thlanchhuah mi 5 te chu Prime Minister hian a kawm a ni.

Mizoram-ah pawh he hun hmanpui tur hian ATARI Zone-VII hnuaiah KVK Kolasib District chu thlanchhuah a ni a. Dr. AK. Mohanty, Zonal Director, ATARI Zone-VII, V.L. Thlamuana, Director, Department of Agriculture Mizoram, loneitu thlan bik te leh Kolasib a Department hrang hrang aiawh bakah Senior Scientist& Head Dr. Michelle C. Lallawmkimi, KVK Kolasib leh Staff ten he biakhmuhtheihna hmanga programme hi an hmanpui bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man