Kumin ah Zu leh Heroin man tam tawh

Serchhip-a Excise & Narcotics Department chuan kumin chhungin Rakzu litre 1500 chuang man tawhin Heroin pawh kg. hnih dawn an man tawh bawk.
Serchhip-a Excise & Narcotics Department hotute hnen atanga LENKAWL in thu a dawn danin kumin January 1 atanga nimin thleng khan Serchhip-a Excise & Narcotics Department hian Rakzu litre 1576 zet man tawhin Zu bilhlai Tin 395 an tichhe tawh bawk a, Dawidim kg. 2.8 man tawhin Sapzu (IMFL) pawh um 15 an man tawh a, Champwine litre 0.65 man tawhin Beer can 27 an man tawh bawk a ni. Heng bakah hian Zu siamna berl 16 man tawhin lirthei ke hnih nei, ke thum nei leh LMV pakhat theuh an man tawh bawk a. MLP Act hnuaiah thubuai 140 ziahluh ni tawhin mi 138 man an awm tawh bawk a ni.

Kumin chhung vek hian Serchhip-a Excise & Narcotics Department hian Heroin gram 1818.1 zet man tawh bawkin Ganja gram 0.213 an man tawh bawk a. ND&PS Act hnuaiah thubuai 17 ziahluh ni tawhin mi 25 man an awm bawk.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni