Serchhip-a vote tla chhiar turin ruahmanna siam a ni

Mizoram Assembly Inthlanpui neiha Serchhip District chhung Assembly Bial pathum-a Vote tla te chhiar tura inbuatsaihna atan nimin khan Addl. DC Lalnundika hovin sawrkar mi pawimawhte an thukhawm.
He thutkhawm Serchhip DC Meeting Hall-a neih ah hian Serchhip District chhung Assembly Constituency pathum a Returning Officer leh Assistant Returning Officer te bakah Serchhip SP leh Additional SP, DIPRO leh Assembly Level Master Trainer te an tel a. Ruahmanna siam tawh angin 26-Serchhip (ST) AC-a Vote tla te chu Serchhip DC Meeting Hall-ah chhiar tur niin 27-Tuikum (ST) AC a Vote tla te chu Serchhip DC Conference Hall leh 28-Hrangturzo (ST) AC-a Vote tla te chu E-District Building-ah chhiar a ni dawn a, heng Constituency tina vote tla te chhiar turin ECI duhdan angin ruahmanna siam a ni.


Nimin-a thutkhawm ah hian Counting Hall hmunhma tur te, venhimna chungchang te, chanchinbumi te dawnsawnna tur Media Centre ruahman dan tur te sawiho a ni a. Sawrkar hnathawk vote chhiar tur inruat dan tur leh training mumal taka neih dan tur te leh training na hmun tur te sawiho niin ruahmanna siam nghal a ni a. Kar thar lo awm tur atang hian vote chhiar turte leh vote chhiar kaihhnawiha Duty tur Official te tan training buatsaih tan nghal tur a ni.

Comments

Popular News (Last 30 Days)

Vawiin-ah HSSLC Exam result