Nimin-a Mizoram Assembly Inthlanpui neih ah Serchhip-a District Election Office ruahmanna in SVEEP hnuaiah Serchhip Sub-Headquarters MHIP te nen thawhho an siam angin MHIP Branch hrang hrang ten hma an la a. Hmeichhe vote thlak an pun theihna tura he ruahmanna hi siam niin Polling Station tinah MHIP te hi an duty a. Hmeichhia te chu vote thlak ngei ngei turin an sawm a, Branch tinah he hmalakna hi Poll Day thlengin an kalpui a, Vote thlak tha Branch te hnenah hian lawm-man siam tura ruahman a ni.
Hetihlai hian Electoral Literacy Club te nena thawhhona an siam angin ELC Unit hrang hrangte chu Polling Station-ah hian an Duty bawk a, ELC Duty te hian kum upa leh Person with Disabilities (PwD) te zingah vote thlakna hmun Polling Station thleng thei lo te hruai leh dah hna an thawk a. Hei hi Serchhip District chhunga Polling Station tinah kalpui a ni.
Comments
Post a Comment