MPF in tluang taka Vote thlak lawmawm an ti

Mizoram People Forum (MPF) Serchhip District hruaitute chuan boruak muanawm tak hnuaia MLA inthlanpui Vote thlak a ni chu lawmawm an tih thu an sawi.
Nimin-a MLA Inthlanpui neih ah hian MPF hian Polling Station hrang hrangah Duty insiamin Vote thlak tura kal te a theih anga an lo tanpui bakah Polling Station pan harsatna nei te an hruai bawk a. MPF Serchhip District President Rev. Zohmunmawia chuan nimin khan MPF Serchhip District hruaitute chu Serchhip khawpui chhung bakah Thenzawl, Buanpui, Bungtlang, Keitum leh Chhingchhip thlenga an kal thu sawiin, Inthlanpui Vote thlak ni ah boruak  muanawm tak a awm chu lawmawm an tih thu a sawi a. MPF te ngenna Political Party ten an ngai pawimawh tih sawiin, Thawhhona thuthlung an siam bawhchhe zawnga che an awm lo tih pawh sawiin, Political Party hrang hrang leh mipuite chungah lawmawm an tih thu a sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar