Kristian dik tak ram hruaitu kan mamawh tih sawi

BJP Mizoram State President Vanlalhmuaka chuan Mizoram in Mizo pa dik tak, Kristian dik tak ram hruaitu atan kan mamawh tawh niin a sawi.

Nimin-a BJP Mizoram ten Aizawl-a an Office-a Friday Political Session an neih ah an Preident Vanlalhmuaka chuan Mizoram in Mizo pa dik tak, Kristian dik tak ram hruaitu atan kan mamawh tawh tih sawiin, “BJP chuan hnam culture theuh chawinung a, mahni Sakhua ah theuh rinawm hi kan tum leh kan kal dan a ni,” a ti a. “Hetiang mi Mizoram-in kan thlantlin hunah chuan, Medical College tha ber, Zirna In tha ber, Dam-dawi In tha, kawngpui tha, thalaite tan hna tam tak thawh tur siam sak te hi a ni dawn a, chu chuan hnam inluangrualna leh hnam entawntlak kan nihna alo lan tir thei dawn a ni,” a ti bawk.

He hunah hian Mizoram Assembly Speaker hlui leh Mamit Bial-a BJP Candidate Lalrinliana Sailo pawhin Mamit Bial-a hma an lakna te sawiin, “Mamit Bial hi sumdawn nan an hmang emaw tih mai tur khawpa a awm hi a pawi takzet a, inthlan a nasa taka sum buai a kan buai ta hi a pawi tak zet zet a ni,” a ti a. “Hetiang anih avang hian Mipui te pawh hi kan thanharh a hun tawh takzet a, Inthlan laia sum tlem kan duh vanga kan ram hmalam hun tur pawh ngaihtuah thei lova kan awmna hian, Mizoram hmalam eng kan neih theih loh phah thin a, nakina kan hnathawh tur pawimawh tak takte hi kan ngaih pawimawha kan thlir a hun tawh zawk a ni,” a ti bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man