MPCC lawmthu sawi Inkhawm neih a ni

Mizoram Pradesh Congress Committee (MPCC) chuan nimin khan Aizawl-a Congress Bhavan-ah lawmthu sawi inkhawm an nei.

MPCC Lawmthu sawi Inkhawm ah hian MPCC President Lalsawta chuan Inthlanpui neih zawh takah an Senior tam tak, Candidate atana la tha tak tak ten Candidate chuh lova midang te an kian chu lawmawm a tih thu leh mithar 33% lai Candidate an neih theih avangin lawmthu a sawi a. “Party pawn atang min Campaign puitu zawng zawng te chungah lawmthu kan sawi a, party chhunga thahnemngai taka thawktu te chungah lawmthu kan sawi a, Candidate te tana an tlin loh hlaua thawktu zawng zawngte chungah lawmthu kan sawi a, Candidate te chungah pawh lawmthu kan sawi bawk a ni,” a ti.

He hunah hian MPCC Sr. Vice President Lal Thanzara leh Vice President Lalnunmawia Chuaungo bakah Treasurer Dr. Lalmalsawma Nghaka te pawhin thu an sawi a, “Mizoram dung leh vang a Cogress member te leh Congress tana thahnemngai taka thawktute chungah lawmthu kan sawi a n. A pawimawh berah chuan kan tling emaw, kan tling lo emaw, kan bulthut lam tichak lehzual ang u,” an ti a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man