Thu belhchian dawllo niin sawi

BJP Mizoram chuan Indian National Congress (INC) hruaitu Rahul Gandhi-a'n Sakhuana politics avanga Mizoram a him lo anga a sawi leh Congress sawrkarna State a hmasawnna a sawi te chu thu belhchian dawl lo a ni tih an sawi.

BJP Mizoram thuphuangtu Lalremsangi Fanai chuan nimin khan Aizawl Press Club-ah thuthar lakhawmtute kawmin Rahul Gandhi-a'n Mizoram-ah Sakhuana politics avanga BJP te chhe lailet dera a chhuah leh MIzoram tan BJP a him lo anga a sawi chu an dem tih a sawi a, Rajasthan a Congress party in Health Care Scheme tha tak an neih thu a sawi pawh belhchian dawl lo a ni tih sawiin, Politics dik tak ngaihtuah a Sakhuana a inchirh-thehna chu titawp turin Congress Party chu an ngen tih a sawi bawk. Manipur buaina a a hmuna Prime Minister Narendra Modi kal loh chugchangah protocol mumal tak siam a nih avangin Home Minister chu ni 3 chamin a kal zawk thu leh Manipur a harsatna an demna thu chu an thuchhuah ber a nih thin thu a sawi bawk.