Sawrkar School-a hlankai thar te lawmna hun hmang

Mizoram Government Adhoc Aided School Teachers Union (MIGASTU) chuan tunhnaia Council of Ministers in an Member School 180 te sawrkar School atana a hlankai sak lawmna inkhawmpui lian chu nimin khan Aizawl Chanmari YMA Hall-ah an buatsaih a, he hun hi Chief Minister Zoramthanga leh Education Minister Lalchhandama Ralte te chuan an hmanpui a ni.

Nimin-a he hun hmanna ah hian Chief Minister chuan ramin hma a sawn theih nan thil pawimawh tam tak awm mah se zirna leh hriselna te chu nitin a kan mamawh, mitin nghawng an ni tih sawiin, sum leh pai harsatna karah sawrkar chuan anni pahnih tan hian theihtawp a chhuah reng thin thu a sawi bawk a ni.

School Education Minister Lalchhandama Ralte pawhin sawrkar School a hlan kai thar zawng zawngte a lawmpui thu sawiin, “Adhoc Aided a hlan in nih chhoh lai khan tha thawhtute zingah ka lo tel ve tawh a, kuminah sawrkara in luh theih nana tha thawhtute zingah ka tel ve leh te hi vannei ka in ti hle,” a ti a. He dinhmun thleng tur hian Rules hautak leh kawng thui em em siam hmasak a ngai tih sawiin, chu Rules chu Sept. 24 khan peihfel in a hnu ni thum, September ni 27 khan Council of Ministers chuan a pass zui ta tih a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man