CEO in Lawngtlai District inbuatsaihna a enfiah

/

Mizoram Chief Electoral Officer (CEO) Madhup Vyas IAS chuan nimin khan Lawngtlai District tlawhin kumin a MLA inthlanpui neih tur atana inpuahchahna te a endik.

Mizoram CEO hi Lawngtlai DC H. Lalhmingthanga chuan Lawngtlai District dinhmun, Electoral Roll ennawnna kalpui dan, Polling Station ruahman dan leh inthlanpui kalpuina tur a inpuah-chahna tlangpui a lo hrilhfiah a. CEO chuan Mizoram chu ziak leh chhiar thiam tamna ram a nih angin vote thlak ngaih pawimawh chungchangah pawh State dangte aia beisei a san thu leh Voter za zela 83 aia tlem lovin vote an thlak theih nan inthlan kalpui nana mawhphurhna hrang hrang neite chuan an hna a hun taka an hlenchhuah theih nan theihtawp chhuah turin a chah a. Vote thlak ngai pawimawh tur a inzirtirna, Systemic Voter Education & Electoral Participation (SVEEP) chu mipui tam zawk huap tur a hmalak a pawimawh thu a sawi bawk. CEO hian Lawngtlai-a Political Party leh NGO hruaitute pawh kawmin EVM dahthatna hmun, Strong Room leh Polling Station thenkhat a endik nghal bawk a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »