Mizoram MP in Women's Reservation Bill thlawp

Lok Sabha-a putluh tak Women's Reservation Bill, 2023 chu Mizoram Lok Sabha MP C. Lalrosanga chuan a thlawp thu a sawi. Union Minister of State for Parliamentary Affairs leh Law Minister ni bawk Arjun Ram Meghwal putluh he bill hi ram rorelna In, Assembly leh Lok Sabha-a Hmeichhia te tana seat zaa 33% hauhna tura bill niin Thawhtanni zan khan Prime Minister hova Union Cabinet thukhawmin putluh an remti a. Parliament In thar luah hnu lawka Lok Sabha thutkhawmnaah Prime Minister chuan puangin, putluh a nih theih nana vote lak a ni a, chutah chuan MP (Lok Sabha) C. Lalrosanga pawhin bill putluh dilna hi tha tiin a thlawp a ni. He bill hi rampum huap dan a nih hunah chuan Mizoram-a hmeichhiate dinhmun siamthat leh tihchak nan a la pawimawh hlê dawn tih a sawi a, Bill hi pass a nih a rampum huap Dana pawm a nih hunah chuan kum 15 hman phawt tur a ni ang.