SAROA te a thlawna service in thisen an pe bawk
Serchhip-a Auto Rickshaw neitu intelkhawmna pawl, SAROA te hian tun thla ni 28-a an pawl kum 25-na, Silver Jubilee lo thleng tur pual hian nimin khan Serchhip-ah mipuite tan a thlawnin an service a, SAROA Member te hian an Auto Rickshaw-ah a thlawna service an nih thu hi lehkha tarin mipui, Auto Rickshaw hmang duh apiang te chu an kal duhna hmunah a thlawnin an phur a, an inpekna in fak a hlawh hle a ni.
Serchhip Auto Rickshaw Owners Association te hian an Silver Jubilee lawmna pual bawk hian nimin khan Serchhip Blood Bank-ah dah turin thisen Unit 16 an pe a, thisen petute hi mipa vek niin Serchhip Blood Bank-ah kalin thisen hi an pe a. MNF Publicity Board Vice Chairman J. Malsawmzuala Vanchhawng chuan SAROA te mipuite tana an inpekna chu lawm-awm a tih thu sawiin, nimin-a an hun hmanna ah tul leh mamawh-a an hman turin Rs. 4000/- chu an Party hruaitute kaltlangin a hlan bawk a ni.
Comments
Post a Comment