D.EI.Ed result chhuakah Serchhip DIET an titha

Mizoram Board of School Education (MBSE) chuan kumin June thlaa Diploma in Elementary Education (D.EI.Ed) Exam result nimin khan tichhuakin Serchhip DIET atangin Top 10-ah mi 3 an lang.

Kumin-a D.EI.Ed Exam-ah hian Serchhip DIET atangin 4th Semester-ah candidate 47 awmin mi 45 an pass a, za zela 95.74 pass ang niin an zinga mi 15 te chu Distinction-ah pass in midang 30 te hi 1st Division-ah an pass thung a ni. Mizo-ram puma a titha zual 10 thlanchhuah zingah Serchhip DIET-a Training te zingah mi pathum (3) tlingin Lalrinfela s/o Zorammawia (Chanmari Veng, Serchhip) chu 4-na a ni a, K. Lalnunpuii d/o K. Lalengzauva (Dinthar Aizawl) chu 8-na leh R. Vanrengpuii d/o R. Biakhmingliana (Mual-thuam North) te chu 9-na an ni bawk.DIET Ser-chhip atang hian 2nd Semester ah mi 49 exam in an pass vek bawk a ni.

Tun tuma MBSE in D.EI.Ed Exam result a tihchhuah ah hian Mizoram pumah mi 429 exam in mi 384 an pass a, za zela 89.51 pass ang niin mi 45 an fail thung a, Distinction-ah 114 leh 1st Division-ah 270 an pass a ni.

Comments

Popular News (Last 30 Days)

LPG man bithliah thar