YMA in Manipur Zohnahthlak te tanpuina khawn dawn

Serchhip Sub-Hqrs. YMA chuan Manipur tualchhung buaina avanga harsatna tawk Zohnahthlak te tanpuina khawn nise an ti.
Inrinni khan Serchhip Sub-Hqrs. YMA hian an Office Conference Hall-ah SEC thutkhawm neiin tunhnaia Manipur tualchhung buaina avanga harsatna thleng mek chungchang an sawiho a, he buaina thleng avanga harsatna tawk Zohnahthlak te tanpuina atan hian Serchhip Town huamchhunga YMA Branch hrang hrangah tanpuina khawn relin tanpuina sem dan tur erawh la sawiho leh nise an ti a. Hemi rual hian Serchhip Sub-Hqrs. YMA huamchhunga Meitei awm te hming leh address lak-khawm relin, tanpuina an khawn leh Meitei te hming lakkhawm hi August 12, 2023 hmain Sub-Hqrs. YMA Office-ah thehluh nise an ti bawk.

He thutkhawm ah hian Sub-Hqrs. YMA inkaihhruaina atana thil pawimawh hrang hrang sawiho ni bawkin Social Welfare and Tribal Affairs atangin cheng nuai 98 senga building sak chhun-zawmna tur an hmuh thu leh hemi hmanga hmalakna turte sawiho a ni a, Ambulance leh Morgue Van hman man tuna hmanlai chu ennawn relin an hmalakna hrang hrang an thlirlet bawk a. Mizoram sawrkar in sawrkar hnathawkte tan Nilaini-a Mizo Hnam thuam inbelna ni a lo siam tawh chu inhriattir thar leh a nih theih nana hmalak an rel bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man