Semi Final khel tur hriat tan dawn

Serchhip District Football Association (SDFA) buatsaih Season Ending Tournament chu khelh mek niin Vawiin lam hian Semi Final khel tur hriat theih tan a ni ang.

Serchhip Sports Complex-a SDFA Season Ending Tournament khelh mekah Inrinni khan 2nd Division-ah Group B atangin Darnam FC chuan FC Serchhip Kawnpui chu 4-0 a hnehin Group C-ah Bungtlang Bazar FC in Serchhip Chhim Veng FC chu 6-0 in an hneh bawk a, Chhim Veng hi Semi Final thleng zo lovin an tla a ni.

1st Division Group A inkhel ah FC Serchhip Kawnpui in AWC FC chu 4-3 a hnehin FCSK tan Laldampuia, V. Lallawm-awma, Lallawmawm leh Gospel Darthanmawia ten goal an khung a, AWC FC tan Lalhunruata, Lalsiamthara leh Lalramsanga ten goal khat theuh an khung bawk. FCSK hian Group Match khel zo in point 4 an a, Vawiin-a inkhel result a zirin Semi Final an khelh dawn leh dawn loh a hriat ang.

Group B-ah Vengchung FC leh Kawn Veng FC te chu goal hnih ve ve inpe in an inhneh-tawk bawk a, Kawn Veng FC hian B. Lallawm-awm leh Lalrindanga te goal kung hmangin si hnih faiin hma hruai hmasa mah se Vengchung FC tan Huntharnghaka leh Zonuntluanga ten an sut leh a ni.

Vawiin hian inkhel pali bawk a awm leh dawn a, chawhma dar 10:00-ah 2nd Division atangin Field Veng FC leh New Serchhip FC (Group A) inkhelin dar 11:30-ah Keitum-I leh FC Serchhip Kawnpui (Group B) an inkhel anga. Chawhnu dar 1:00-ah 1st Division atangin Chhekhnai FC leh AWC FC (Group A) inkhelin tlai dar 3:00-ah New Serchhip FC leh Chanmari FC (Group B) te an inkhel bawk ang.

Comments

Popular News (Last 30 Days)

Vawiin-ah HSSLC Exam result

LPG man bithliah thar