Serchhip-ah kawngzawh nei ve turin rel a ni

Serchhip District-a tlawmngai pawl hrang hrang telna, NGO Co-Ordination Committee Inrinni kalta (July 22, 2023) tlai-a thukhawm chuan NGO Co-Ordination Committee Aizawl in Manipur-a Zohnahthlak te harsatna leh tawrhna thlavang hauhna kawngzawh tun thla ni 25-a neih tura a rel chu Serchhip-ah pawh neih ve nise an ti.

Serchhip District NGO Coordination Committee chuan he kawngzawh hi naktuk, July 25, 2023 (Thawhlehni) chawhma dar 11:00 atanga neih relin Serchhip AOC Kawn atanga Bazar thlengin kawng hi zawh a ni anga, Serchhip Bazar-ah hian Programme hman zui tura ruahman a ni.

Kawngzawh neih turah hian NGO Co-Ordination Committee-a tel pawl hrang hranga Member te chu tel theuh tura an beisei bakah High School chin chunglam zirlaite pawh tel tura sawm an rel a, sawrkar hnathawk te pawh an tel theihna turin dilna siam nise an ti. He kawngzawh a tel turte chu thawmhnaw/kawr dum lam inbel tura beisei an nih bakah MHIP Member te chuan Pawndum bih theuh nise an ti a, midang te pawhin a theih angin Pawndum hi bah nise an ti bawk.

Hetihlai hian nimin tlai-a Vantawng Group YMA huaihawta nimin tlai-a Thenzawl-a tlawmngai pawl hrang hrang aiawhte \hukhawm chuan NGO Co-Ordination Committee in naktuk a kawngzawh neih tura a ruahman ang hian Thenzawl-ah pawh kawng hi zawh ve nise an ti a. He kawngzawh-ah hian Dawr zawng zawng kharin Office leh mimal hnathawk te pawh mahni hna \heuh chawlhsana kawngzawhna-ah hian tel \heuh turin an ngen nghal bawk a ni.