SUP hmang lo turin sawrkar Pisa-ah thutiam lak a ni

International Plastic Bag Free Day pualin nimin khan Serchhip-a sawrkar Department hrang hrang Pisa-ah Single Use Plastic (SUP) chungchang a thutiam chhamrual a ni a, SUP Inspection Team ten hmun thenkhat ah Awareness neiin SUP khapna dan bawhchhia an awm leh awm loh te an enfiah bawk.
Nimin July 3, 2023 kha ‘International Plastic Bag Free Day’ niin he ni pual hian Serchhip-a sawrkar Departmeng hrang hrang Pisa-a thawktute chuan Plastic tih tlem nan hmang lo tur leh midang pawh hmang lo tur a zirtirtu ni turin thutiam an la a, hemi rual hian mipuite hnena hman khat daih Plastic that loh zia inzirtirna te pawh neih nghal a ni bawk.


Nimin vek khan Serchhip District-a Single Use Plastic Inspection Team te chuan Serchhip khawpui Veng thenkhat fangin, Dan in hman khat daih Sarang a khapna bawhchhia a zuar leh heng thil lo hmang an awm dan an enfiah a, dan bawh-chhia man erawh awm lovin mipuite hnenah heng hman khat daih sarang chi hrang hrangte mihring tana a thatlohna leh Environment a tihchhiat dan te an hrilhfiah nghal bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar