Manipur atanga raltlan te puihna tur sumfai hlan

Serchhip District chhung North Vanlaiphai khuaa Hrangturzo High School (Adhoc Aided)-a Zirtirtu leh zirlai ten Manipur atanga sahimna zawnga Mizoram rawn pan te tana an thawhkhawm Rs. 7060/- chu nimin khan Lengteng bialtu MLA Dr. L.Thangmawia kutah an hlan.
School aiawha sum hlantu leh he School Zirtirtu H. Darthangpuii chuan kan unau sahimna zawnga rawn kalte dinhmun rapthlak zia hriain Hrang-turzo High School-a Zirtirtu leh Zirlaite chuan mahni theih ang tawk tawk thawhkhawm an rel thu leh Manipur ramri Lengteng bial-a pek turin Lengteng bialtu MLA hnenah hlan mai nise an tih angin an sum thawhkhawm te hi Dr. L. Thang-mawia MLA hnenah hlan a ni tih a sawi a ni.

Lengteng Bialtu MLA Dr. L. Thangmawia chuan kan unaute tana mahni remchan ang tawk thawhkhawm a, Hrangturzo High School zirtirtu leh zirlaite inpekna chu ropui a tih thu sawiin, he sum hi a bo a bang awm lovin a tul anga tangkai taka hman atan Ngopa BDO H. Lalramliana hnenah a lo hlan tur thu a lo hrilh bawk a ni.