PMMSY hnuaia Sangha Dil lai turte tan Training neih a ni

Fisheries Department chuan Pradhan Mantri Matsya Sampada Yojana (PMMSY) 2021-2022 hnuaia Serchhip District-a Sangha Dil thar laih tanpuina dawng turte tan nimin khan Training an buatsaih.
New Serchhip YMA Hall-a Training neih hi Serchhip DFDO Lucy Lalrinpuii chuan kaihruaiin PMMSY hnuaia Sangha Dil thar laihna tur tanpuina dawng tura thlanchhuah te chu he tanpuina sum an dawn chhan ang ngeia sawrkar laipui in ruahmanna a siam ang tih hlawhtlin tum tur leh Sangha tharchhuah a lo pun theihna tura theihtawp chhuaha tan la turin a chah a ni.


He hunah hian Serchhip DFDO Office a Asst. Fisheries Officer (AFO) Lalropara Khiangte chuan tanpuina an dawn hmanga Sangha Dil thar an laih dan tur leh a zau zawng tur bakah hna an thawh dan turte a zirtir a, Chanchinmawia AFO chuan tanpuina an Bank Account-a thun dan tur, Public Financial Management System (PFMS) kalhmang leh a kaihhnawih thil dangte a zirtir a, Fisheries Demonstrator (FD) Lalmalsawma chuan Sangha khawitute tana KCC Loan lak theih dan chungchang a zirtir bawk a ni.

Thudawn danin PMMSY 2021-2022 hnuaiah hian Serchhip District chhunga khaw hrang hrang 22 atangin Sangha Dil thar laihna tur tan-puina hi mi 100 hnenah pek a ni dawn a, tan-puina hi sawrkar laipui in 54% tumin State sawrkar in 6% a tum thung anga, a bak 40% chu tanpuina dawngtu ten an tum ve tur niin tunah hian Central tum tur Rs. 45,360/- chu hmuh a ni tawh a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar