2nd Division ten Match hmasa ber khel

Zonuna Kawlni /

Serchhip Sports Complex-a SDFA Season Ending Tournament khelh mekah nimin khan 2nd Division Match hmasa ber khelh a ni.

Serchhip District Football Association buatsaih Season Ending Tournament-ah hian nimin khan 2nd Division ten Match li khelin inkhel hmasa berah Group A atangin Field Veng FC in Chanmari FC chu si hnih faiin an hneh a, Group B-ah Keitum-I FC leh Darnam FC te goal hnih ve ve inpe-a inhnehtawkin Group C-ah P&E FC leh Chhim Veng FC te goal khat ve ve inpe in an inhnehtawk bawk a, Group D-ah Bungpui FC Hriangtlang in Leisekawt FC chu 3-1 in an hneh bawk.

Vawiin hian inkhelh chhunzawmin match li khelh leh a ni anga, chawhma dar 10:00-ah 2nd Division atangin Darnam FC leh FC Serchhip Kawnpui inhmachhawnin dar 11:30-ah Chhim Veng FC leh Bungtlang Bazar FC an inhmachhawn ang. Chawhnu dar 1:00-ah 1st Division Group A FC Serchhip Kawnpui leh AWC FC an inhmachhawn anga, chawhnu dar 3:00-ah Group B atangin Vengchung FC leh Kawn Veng FC te an inhmachhawn bawk ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »