Ngawih chuh hun a ni ta love - Chief Minister

Chief Minister Zoramthanga chuan Manipur buaina ah ngawih chuh hun a ni ta lo tih sawiin, Manipur Chief Minister leh Prime Minister te chu a rang thei ang bera hmalakna nei nghal tur leh pawikhawihtute man chhuak a, Dan hmaa rorelsak thuai tura a phut thu a sawi.

Chief Minister hian Instagram-ah Manipur-a nunrawng taka tharum thawhna chuan thenawm ramte chauh nilovin ram pum a nghawng chhuak tih tarlangin, “Dinhmun chhe zawkah a ding mek niin a lang,” a ti a. “Manipur a kan Vaiphei hmeichhiate chunga nunrawnna lantirna video darh chhuak hian min tithinthawngin min deng na hle mai a. Video-a kan hmuh zahmawh thila inbeihna hi zahngaihna tello nunrawng taka chetna uchuak, zahthlak tawpkhawk leh mihring chunga nunrawnna lantirna demawm tawp a ni,” tiin Manipur buaina chinfel leh tihtawp hlen dan kawng ngaihtuah a tul tak zet tawh thu leh a tihtawp dan ngaihtuah theitu tur pawh Sawrkar Laipui chauh a nih thu a tarlang a ni. Chief Minister chuan, “Ngawih chuh hun a ni ta love!” tiin “Remna leh muanna a lo awm leh thuai a, nunphung pangngai an zawh leh theihna tura kawng zawn nghal nise ka duh ber a. Chu chu mawhphurhna la ngei ngei tura ngaihte mawhphurhna, Manipur Sawrkar leh Sawrkar Laipui te tihmakmawh pawh a ni,” a ti bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man