Minister in DVO Office building thar pahnih hawng

AH&Vety Department changtu Minister Er. Lalrinawma chuan nimin khan Khawzawl leh Saitual-ah District AH & Vety Office building sak thar a hawng.

District AH & Vety Office building thar hawnna puala inkhawm hi Khawzawl Electric Veng Hall-ah leh Saitual-ah Keifang Venghlun YMA Zawlbuk-ah neih a ni a, heng hunah hian ah AH&Vety Minister Er. Lalrinawma chuan Mizoram sawrkarin District thar te hmasawnna a ngaihpawimawh thu sawiin, sawrkar department hrang hrang te District tharah an inbun chhoh mek thu a tarlang a. A department chan zinga mi Excise & Narcotics pawh Khawzawl District-ah din tuma hmalak mek a nih thu a sawi bawk. AH&Vety Minister chuan an hmalakna te tarlangin, India ramah Mizoram chu Veterinary Hospital dinna tura dan mumal tak zam hmasa ber leh ranvulhtute pui tura Mobile Veterinary Unit nei hmasa ber a nih thu bakah ASF vanga Vawk suat sak te zangnadawmna pek a nih thu te a sawi bawk.

Khawzawl District Veterinary Office hi September ni 20, 2021 khan kalpui tan niin a hnuaiah hian District Veterinary Hospital, Khawzawl leh Zawlnghak khuaa Mithun Farm bakah Biate, Khawhai, Kawlkulh leh Rabung-a Veterinary Dispensary te an awm a. Saitual District  AH&Vety Office hian District Vety Hospital pakhat neiin,  Veterinary Dispensary 4, Animal Health Centre leh Mobile Veterinary Unit te an nei a ni.

Comments

Popular News (Last 30 Days)

Vawiin-ah HSSLC Exam result