Chite Rehabilitation Centre-a Inhmun sawihona nei

Chite Rehabilitation Centre, Ramhlun Sports Complex-a Inhmun pek chungchang chu nimin khan Revenue Miniter Lalruatkima hovin a Pisa-ah sawiho a ni.

Aizawl Ramhlun Sports Complex huamchhung, Chite Rehabilitation Centre-ah hian kum 2013-a Laipuitlang-a leimin tuartu te; kum 2014-a Ramhlun Sports Complex leitawlh leh tunhnaia Hunthar leitlahniam a In leh lo chan chenna In nei lo mi 80 chuang hnenah Insakna tur hmun pek an ni tawh a. Helai ram hi sawrkar in mimal hnen atanga a lei niin House site 100 ruahman a nih bakah Thlanmual, Sub-Centre leh Vangtlang hmun remchang te zuah a ni bawk a. Mimal engemaw zatin In lo te pawh an din tawh mahse a ram neitu nihna LSC emaw, House Pass emaw hi tihfel a la ni lova. Nimin-a thutkhawm ah hian heng mite LSC tihfel dan an ngaihtuah a ni.

He thutkhawm ah hian Revenue Minister Lalruatkima chuan chhiatna thlenga mahni In leh lo chan vek, chena In neilote tan Sawrkarin helai bawr ram leiin chenna In sakna tur ram pek an nih dante a sawi a. Mahse LSC emaw House Pass emaw la tihfel ala nih loh avangin helai hmun neituten loan te pawh an la thei lova, chu mai bakah Sawrkar pawhin chhiah (land revenue) a chan zel a, chuvangin an LSC tur hi tihfel vat a tul thu a sawi bawk a ni.