HPC in zirlai leh Footballer chawimawina an hlan

High Powered Committee (HPC), Lunglei a Vice Chairman Lawmawma Tochhawng chuan nimin khan zirlai tithate leh AIFF Men's Footballer of the year 2022-2023 chawimawina dawngtu Lallianzuala Chhangte te hnenah lawmpuina a hlan.

Hemi puala inkhawm HPC Conference Hall-a neih ah HPC Vice Chairman chuan tunhma in zirlai titha lawmpuina hlan tur an nei manglo thin tih sawiin, tun kum nga atang khan hlawhtlinna chang hmuh tur an tam zel chu lawmawm a tih thu a sawi a. Graduate thar te chu hlawhtlinna rahbi zawh tur kawng thui tak an la nei a ni tih hre reng a mi tangkai leh chhawrtlak zawk ni turin tun aia nasa a zirna lamah tan an lak a pawimawh thu a sawi bawk.

Nimin a chawimawina hlan te hi Lunglei District atanga zirlai titha Under Graduate Top 10-a lang mi 31 niin Lunglei Govt. College atangin 9, Govt. J. Buana College atangin 2, HATIM atangin 8, PUC atangin 9, Govt. Hrangbana College atangin 2 leh Faith College atangin 1 bakah JEE Entrance test a inziak tling leh Tribal zinga pakhatna Lalmuanawmi, Serkawn bakah AIFF Men's Footballer of the year 2022-2023 atana thlan Lallianzuala Chhangte Zohnuai, Lunglei te niin lawmpuina thuziak leh pawisa fai pek an ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar