District Jail-a tang mek zingah Mipa an tam
Serchhip District Jail-a thawktute hnen atanga thu kan dawn danin nimin khan Serchhip District Jail-a tang mi pahnih te chu chhuahtir niin heti hian nimin tlai thleng khan tang mi 67 an kawl mek a, an zinga mi 60 te chu Mipa niin midang 7 chu Hmeichhia an ni a, hmeichhia tang zingah hian nu te an tan avanga tang ve naupang pahnih awmin hmeichhia tang, thubuai nei chu mi 5 an ni a, Serchhip District Jail-a thubuai nei tang mek te atanga chhutin za zela 92.30 zet chu Mipa an ni.
Serchhip District Jail-a tang mek zingah hian mi 24 te chu an thubuai ngaihtuah tawh leh an thubuai ah thiamloh chantir tawh te an ni a, tunhma deuha Vietnam lam mi tang pakhat awm chu tun thlengin District Jail-ah hian kawl ala ni a, thudawn danin amah hi thubuai nei pawh ni tawh chuang lo, amaherawh chu hmundang pan tur pawh hre chuang lo a nih avangin Jail-ah hian ala awm ve ta zel a, midang zawng erawh an thubuai ngaihtuah lai mek an ni thung.
Serchhip District Jail-a tang mek zingah hian nimin khan thubuai ngaihtuah tura Court-a hruai ngai mi 30 vel zet an awm a, hei vang hian Serchhip District Court chuan CJM Malsawmdawngzuala hovin District Jail-ah hian kal chilhin Camp Court an buatsaih sak a. Hetiang hian ni dang ah pawh Court-a hruai ngai an tam chang chuan Court lama thawktute hian an pan mai thin a ni.
Comments
Post a Comment