Hnatlang in tui lakna siam

Serchhip Mat Phai, Zawlpui Zau vel-a leilet neitute chuan nimin atang khan Lumtui lui an lakna tuikawng leh tuikhuah thenfai hnatlang an nei.
Tarlan tawh angin NH. 54 Serchhip leh Keitum inkar laihzauna leivung paih avangin Serchhip Zawlpui Phai-a leilet neitute hian harsatna an tawk mek a, nimin khan henglai vel-a Leilet neitute chuan hnatlangpui neiin an tuilakna pui ber, Lumtui lui a tuikhuah-a chirh tling chu khawl hmanga thenfai hna thawkin khawl in a thlen phak lohna tuikawng thenfai hna an thawk bawk a. Zawlpui Zau FMC hruaitute chuan Lumtui lui tuikhuah-a bawlhhlawh awm hi kumdang ah chuan ni khat thenfai ngai bak a nih loh thu leh kumin ah chuan tuikawng leh tuikhuah ah hian chirh a tam avangin thawh zawh mai theih a nih loh thu an sawi a ni.