Zirlai tithate chawimawina hun hmanpui

Hrangturzo bialtu MLA leh Home Minister Lalchamliana chuan a bial chhunga E. Lungdar leh Sailulak khua ah Zirlai titha chawimawina hun a hmanpui.

Home Minister hian niminpiah chawhnu khan East Lungdar Sub-Hqrs. MZP ten Thangburha Hall-a Zirlai titha chawimawina hun an buatsaih chu hmanpuiin HSLC leh HSSLC-a 1st Division leh a chunglam a pass mi 19 te hnenah chawimawina a hlan a. Zan lamah Sailulak Zakapa Hall-a MZP Sailulak Branch buatsaih zirlai tithate chawi-mawina hun an buatsaih chu hmanpui lehin Sailulak MZP te hian zirlai mi 36 te hnenah chawimawina an hlan a, chawimawina an pek te hi HSLC pass thar mi 17, HSSLC pass thar mi 12, BA pass thar mi 5 leh B.Sc pass thar mi 2 te an ni. Heng zirlai titha chawimawina hunah hian Home Minister chuan zirlai tithate a lawmpui thu sawiin, zirna chu hmasawnna a nih thu leh mithiam tamna ramah remna leh muanna te, hma lam pan zel tura hriatna leh thiamna a tam thin thu a sawi a. A Bial-ah Laptop dawng thei tura Top-10 a tling an la awm loh thu sawiin, zirlaite chu tum fel tak neia taima taka lehkha zir turin a fuih bawk a ni.

Comments

Popular News (Last 30 Days)

LPG man bithliah thar