Volleyball S/F khel zo ta

Serchhip Vengchung Volleyball Court-a khelh R. Laikunga (L) & Rangthangi (L) Memorial Volleyball Tournament 2023 chu Vawiin chhun dar 12:00 hian Final khelh a ni dawn.
Serchhip Vengchung Volleyball Association buatsaih he Tournament-ah hian nimin khan Semi Final khelh niin Hmeichhia-ah New Serchhip VC chuan Vengchung VC chu 3-0 (25-19, 25-20, 25-21) a hnehin Final an lut a, Bungtlang VC in Dinthar VC chu 3-1 (21-25, 25-21, 25-14, 25-19) a hnehin Final an lut bawk a, New Serchhip VC leh Bung-tlang VC te hian Final an khel ang.

Nimin-a Mipa Semi Final inkhel ah Darnam VC chuan Hriangtlang VC chu 3-1 (21-25, 25-21, 25-14, 25-19) a hnehin Final an lut bawk a, Semi Final inkhel hnuhnung berah Chhiahtlang VC chuan New Serchhip VC chu 3-1 (25-16, 19-25, 25-13, 25-18) a hnehin Final an lut bawk a, Darnam VC leh Chhiahtlang VC te hian Vawiin chawhnu lamah Final an khel ve leh bawk ang.