Serchhip-a Remna ni lawm tura inbuatsaihna thlirho

Tun thla ni 30-a Remna ni lo thleng tur Serchhip-a lawmna tura ruahman lo siam tawh hrang hrang bawhzui dan chu nimin khan District Bawrhsap Nazuk Kumar IAS hovin thlirho a ni.
Nimin a District Bawrhsap hova thutkhawm Serchhip DC Meeting Hall-a neih ah hian Bawrhsap chuan May 19 Remna ni lawm dan tur ngaihtuah hian thutkhawm neih a nih tawh thu sawiin, hemi atana ruahmanna an siam hrang hrangte bawhzui a nih dan thlir tura thutkhawm hi neih a nih thu a sawi hmasa a ni.


Kumin-a Remna ni pual hian Health Camps buatsaih tur niin hemi atan hian Health Department chuan ruahmanna siam tawhin June ni 28-ah buatsaih tum a ni a. Digital Flyers leh Short Video Making Competition chu State Level a buatsaih niin Remna kawng zawh leh Remna Ni pual thingphun hi Remna Ni takah buatsaih a ni anga, kawngzawh neihna tur hi lo ruahman tura tih niin thingphunna tur hi Joint VC leh YMA lamin an lo tifel anga, Forest Department lamin thingtiak an lo ruahman thung dawn a ni.

Remna ni puala Blood Donation Camp buatsaih tur chu June 14 atang khan tan niin mimal leh pawl thenkhatten thisen an pek tawh bakah Police Department ten an la pe leh dawn a. Painting Competition pawh I&PR Department chuan State Level-ah an kalpui mek a, Remna Ni-a Photo Exhibition buatsaih turin ruahmanna an siam fel tawh bawk a. Quiz leh Essay Competition pawh Education Department chuan a kalpui dawn a, Vawiin hian Essay Competition hi neih tur a ni ang. Heng bakah hian Remna Ni lawmna inkhawmah zirlai tithate chawimawina neih a ni anga, Remna ni pual intihsiakna hrang hrang lawmman sem a ni bawk ang.

Nimin-a thutkhawm ah hian Serchhip a sawrkar Department hrang hrang hotute leh Joint VC aiawhte bakah thuthar thehdarhtute an tel a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar