By-pass kawng dang leh tan

/

National Highway-54 laihzauh leh siamthat hna thawh meka zangnadawmna la tur si, tun thlenga la dawng ve lo nia insawite chuan zangnadawmna tihfel thuai phutin nimin atang khan Serchhip by-pass road-ah kawngpui dangin hnathawktute an dang leh tan ta.
 Serchhip by-pass a ram nei zinga zangnadawmna la dawng ve lo te hian thla hmasa khan zangnadawmna an dawn tur tihfel ngiatin hnathawktute hi an lo dang tawh a, May 24, 2023 khan Serchhip Addl. DC James Lalnithanga hovin ram neitute leh NHIDCL aiawhte chuan inbiakna neiin hemi tum hian NHIDLC lam hian heng zangnadawmna la dawng ve lo te chungchanga File hi Delhi-ah a awm mek thu leh an sum hmuh turte chu tihfel thuai an beisei thu an sawi a. Hemi chungchangah hian Addl. DC pawhin thil thlen dan a lo enpui tur thu sawiin, kawngpui dan chu titawp rih tur leh June 18, 2023 thleng ngaichang turin inremna an siam a. An huntiam hi a ral hnuah pawh zangnadawmna an lak tur hi tihfel ala nih loh avangin nimin atang khan kawngpui hi an dang leh tan ta a ni.


Tun tuma kawngpui dangtute zingah hian Serchhip by-pass Road bakah Serchhip leh Keitum inkara ram neitute pawh an tel nia thudawn a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »