Serchhip District chhunga thalai rualte tan thiamthil chi hrang hranga inelna buatsaih a ni dawn

/

Serchhip District chhunga thalaite an thiamna haichhuahna tura inelna, Serchhip District Skill Competition, 2023 chu nimin khan Serchhip District Bawrhsap Nazuk Kumar IAS chuan hawngin he inelna a tel duhte tan hian Online hmanga Form fill-up theih a ni a. Tun thla ni 26 khian intihsiakna hi neih a ni ang.

Serchhip DC Office-a District Skill Committee buatsaih 'Serchhip District Skill Competition-2023' hawnna hun Serchhip DC Meeting Hall-a nimin-a neih ah District Bawrhsap Nazuk Kumar chuan Serchhip DC Office in a vawi khatna atan Serchhip District Skill Competition, 2023 a buatsaih dawn tih sawiin, a hawnna hun hi buatsaih hmasak a nih thu leh Skill Competition tak hi chu June ni 26, 2023 chawhma dar 11:00 khian Serchhip DC Conference Hall-ah buatsaih a ni dawn tih a sawi a. He inelna kalpui dan tur tarlangin, District Skill Competion 2023-ah hian Zirlaite leh thalaite chu kutthemthiamna thil heng- Handicraft/Carpentry, Lemziak, Zai te leh Scientific Project emaw, Elecrical Equipment bakah eizawnna kawnga ngaihtuahna thar an neihte an phochhuak thei dawn a. A titha thlan ten lawmman tha tak an dawng anga, a tel zawng zawngte hnenah Certificate pek a ni bawk ang tih a sawi a. Zirlaite leh thalaite chu he hun hmang tangkaia a tam thei ang ber tel turin a sawm a ni.


Serchhip District Skill Competition-2023 ah hian Inelna chi 5-ah neih tura ruahman niin Senior Group (kum 18 leh 30 inkar tan) Scientific Project or Electrical Equipment leh New Startup Ideas Pitching hmanga inelna neiin a titha berin Rs. 10,000/- ve ve an dawng thei dawn a. Junior Group-ah inelna chi thum- Handicraft/Carpentry, Painting leh Singing-ah inelna neiin a tittha ber te chuan Rs. 7000/- theuh an dawng thei dawn bawk a, Junior Group-a tel turte hi pawl 9 leh pawl 12 zirlai an ni tur a ni a, Serchhip District chhunga cheng nghet an nih a ngai bawk a, Junior Group a tel te hi an duh a nih chuan Senior Group ah an tel thei nghal dawn bawk a ni.

He intihsiakna a tel duhte tan Online hmangin inziahluh theih a ni anga, serchhip.nic.in/ ah thehluh theih niin Offline pawha dil theih a ni bawk a, a tam thei ang ber an tel theih nan Entry form hi Govt. Serchhip College bakah DEO Office-ah te dah tel a ni ang. He intihsiakna hrechiang duh te tan Vikas Walke, Mahatma Gandhi National Fellow, Ministry of Skill Development and Entrepreneurship, Govt. of India. Phone Number 9673937171-ah ngaihven theih a ni a. A tel duh turte chuan June ni 15,2023 hma ngeia ngaihven tur niin intihsiakna hrang hrangah te hian tel kawp theih a ni dawn bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »