Bawrhsap hovin BS&G Council Meeting neih a ni

/

Bharat Scouts & Guides Serchhip District Council Meeting chu nimin chhun khan Bharat Scouts & Guides Serchhip District President Nazuk Kumar IAS, DC Serchhip hovin Serchhip DC Meeting Hall-ah neih a ni a, kumin chhunga an hmalakna tur hrang hrangte an duang.
 He thutkhawm ah hian District Bawrhsap chuan Bharat Scouts & Guides Serchhip District chuan kumin ah kum tha tak an hman a beisei thu sawiin, hemi atan hian Member te chu duhsakna a hlan a. Meeting hian Serchhip District chhunga Bharat Scouts & Guides Tritiya Sopan Camp nikum lama neih tura lo ruahman tawh chu kumin August 22-25, 2023 chhung khian North Vanlaiphai-ah neih tum nise an ti a, hemi atana inbuatsaihna tur pawimawh te sawiho niin kumin December thla tir khian District pum huapin Grand Camp Fire neih tum nise an ti bawk.


Hei bakah hian Serchhip District puma Scouts & Guides ten Vantlang tana hna tha thawhna ni (Social Work Day) neih relin June 28, 2023 khian Serchhip Bazar-ah District President leh District Bawrhsap ni bawk Nakuk Kumar IAS hovin hun hman nise an ti a. Serchhip District chhunga Bharat Scouts & Guides Unit ding thar te pawh District President hovin tlawhchhuah nise ti bawkin, June 8, 2023 khian Chhingchhip leh Baktawng khuaa Unit ding thar te hi tlawh nise an ti a ni.

Heng bakah hian Serchhip Addl. DC James Lalnithanga chu Bharat Scouts & Guides Serchhip District Vice President atan an ruat bakah SDO (Sadar) Rebecca Laldinmawii Hrahsel chu District Commissioner (Bulbul) atan ruat a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »