ISHTH Campaign hawnna nei

HIV leh a kaihhnawih natna inkaichhawn theih chi hrang hrang chungchanga Tan In (Jail) leh khuahkhirh ngai enkawlna hmun hrang hranga hmalakna tur Integrated STI, HIV, TB & Hepatitis (ISHTH) Campaign chu Health Minister Dr. R. Lalthangliana chuan niminpiah khan a hawng.

SAD Conference Hall-a he Campaign hawnna hunah hian Dr. R. Lalthangliana chuan Mizoram a Central Jail pakhat leh District Jail kan neih ah te tang thei tur zat aia a leta tam an awm laiin hriselna lama hnathawktute indaih tawk loh vanga harsatna a awm thin thu a sawi a, Jail-a tangte zingah HIV chungchanga hmalakna neih hi thil tul tak a nih thu sawiin, Department hrang hrangten tangruala hma an lakna tur ISHTH Campaign chu thla 6 hnuah a rahchhuah duhawm a lan ngei a beisei tih a sawi bawk.

ISHTH Campaign hi June thla chhungin hman tur a ni a, thla khat chhung awh tur niin he Campaign in a tum ber chu Jail tangte, harsatna tawk leh khuahkhirh ngai enkawlna hmun hrang hrang a awmte HIV, TB, Hepatitis leh STI natna laka an inven theih nan leh natna nei ten enkawlna tluantling an dawn theihna tura ruahman a ni a, India ram puma hman tur a ni. Tun dinhmunah India rama Jail tang te zingah HIV kai an tam em avanga he Campaign hi Central sawrkar buatsaih a ni a. Khawi hmunah pawh enkawlna tluantling a mamawh ten an hmuh theih nana buatsaih a ni. Jail tangte bakah Social Welfare & Tribal Affairs leh Women & Child Development ten an enkawl Home hrang hrang, Observation Home leh Ruihhlo ngai te enkawlna hmun pawh a huam tel dawn a ni.

He huna tarlan a nih danin kum 2021 chhunga rampum huapa tanin-a HIV leh TB hri kai thar chhut mi nuai 62.9 zingah, ram pum dinhmun za zela 1.93 anih laiin Mizoram chu sang berin za zela chhutin 26% a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar