Remna ni puala thisen pek beihpuithlakna hawn a ni

Tun thla ni 30-a Remna Ni lo thleng tur puala kumin June thla chhung Thisen pek runpui neih tur chu nimin khan Chief Minister Zoramthanga chuan a hawng.

Mizoram sawrkar hnuaia General Administration Department (GAD), Association for Voluntary Blood Donation (AVBD) leh Central YMA tangho chuan June thla hi Blood Donation Month-ah puangin nimin khan Dawrpui Multipurpose Hall-ah Chief Minister Zoramthanga chuan a hawng a, Remna Ni puala thisek pek runpui hawn a ni ta chu midangte tan malsawmna nihna tur remchang hlu tak a nih thu Chief Minister chuan a sawi a. Mizo mipui tana remna hlutzia sawiin, rambuai avanga tawrhna nasa tak ramin a tawh dan te leh hnam chhan nana mi tam takin an nun an hlan dan te a sawi a. Chung mite inhlanna avanga Vawiin-a remna leh muanna kan nei thei ta hi kan vawn him zel a pawimawh thu a sawi a. Hun khirh tak kan lo paltlang tawh kha hre rengin, midang tan remna thlentu kan nih ve a tul thu a sawi bawk.

Nimin-a thisen pek beihpuithlak hawnna hunah hian GAD changtu Commissioner & Secretary K. Lalthawmmawia pawhin remna hlut zia sawiin, rambuai avanga harsatna tam tak mipuiin an tawh dan leh remna neih hnu a nunphung in nasa taka hma a sawn chhoh dan te a sawi a. Remna leh muanna kan neih chu hlut nachang hria in, chawisan a vawn nun zel a pawimawh thu a sawi bawk. Central YMA President R. Lalngheta pawhin thisen pek pawimawhna sawiin, YMA chuan June thla chhung hian a tam thei ang bera thisen pek tumin an insawm thu a sawi a. Thisen pek chu taksa in a tuar phah loh thu te a sawi bawk.

Nimin a he hun hman hi AVBD President C. Lalnunnema chuan kaihruaiin he huna tel zirlai kum 18 tling tawh thenkhat te chuan midangte tan thisen an pe nghal a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar