MJA Member ten Thenzawl a PTS an tlawh

Aizawl leh Serchhip District-a Mizoram Journalists Association (MJA) Member te chuan nimin khan Thenzawl-a Police Training School (PTS) tlawhin an hnathawh dan hrang hrangte an en.
Heng MJA Member te hi PTS Principal Ruatsanga Ralte leh a thawhpui ten lo dawng sawngin an hmunhma ngei ah Journalists ten Training kalphung te an hmu chu lawmawm a tih thu a sawi a, PTS Thenzawl inrelbawlna hrang hrang te inhrilhfiahna neiin Parade Ground-ah Police Training mek te nen hun hman a ni bawk. He hunah hian PTS Principal chuan tha taka an training-te pass chhuak turin trainee-te a fuih a, hotute thu awih a, an theihtawp chhuah turin a fuih bawk.


Mizoram Police hian Police Training Centre (PTC) chu kum 1973 atangin 1st Bn. MAP Training Wing hnuaiah March ni 31, 1986 thleng kalpui a. April ni 1, 1986-ah Training Centre puitling ah hlankai niin hemi atang hian mahni a inrelbawlna hrang neiin a awm zui a. Kum 2011-ah PTC Lungverh chu Thenzawl-ah sawn niin February ni 20,2012-ah Police Training School-ah hlankai a ni a, he training School-ah hian Training hrang hrang, Basic Training, Refreshers Course, Pre-Promotion Course, Platoon Commander Course, SUO leh JUO Cadre Course te hi kalpui thin a ni. Heng bakah hian hun awmdan a zirin PSO Training, Training of Trainer Course, Commando Course, Orientation Course etc. te kalpui thin a ni bawk.

Police Training School-ah hian a din tirh atangin mi 16311 ten tha takin Training an zo tawh a, tunah hian Police boral tawh te aia lak (Compassionate appointment) RC Basic Training leh HC (Operator) Basic Training Mipa 168 leh Hmeichhia 111, an vaiin mi 279 training pek mek a ni.

PTS tlawhtu MJA Member te hian nimin tlai khan Thenzawl leh a chhehvel-a hmunhma pawimawh te an tlawh nghal bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar