Mamit-ah Observation Home building thar hawng

Mamit Hmar Veng-a Observation Home sak thar chu nimin khan Social Welfare Minister Er. Lalrinawma chuan a hawng.

Mamit-a Observation Home hawnna hun Mamit DPO Flora Laltanpuii kaihhruai a neih ah hian Minister Er. Lalrinawma chuan Pathian anpui mihringte enkawl hna thawktu, a Department enkawl SW&TA Staff te chu fakawm a tih thu sawiin, tha taka an hnathawhte chhunzawm zelin turin a chah a. Naupangte chu tumah sualsa a piang an awm lo tih sawiin, an hun tawn leh enkawlna tha an dawn loh thin avanga humsual dai palh mai thin an nih thu a sawi a, Kan fate an kalna tur awm kawngah naupang an nih lai atangin kaihruai a pawimawh thu sawiin, an tan nitin an hming lama tawngtai sak thin a pawimawh thu a sawi bakah khawtlanga naupangte leh hmeichhiate enkawl that leh humhim chu kan mawhphurhna a nih thu a sawi bawk.

Women & Child Development, Social Welfare Department hnuaia Observation Home sak hna ah hian Main Building leh Superintendent Office sak te telin Estimate Amount chu Rs. 87,45,000/- a ni a. April 2022 ah sak tan niin February, 2023-ah sak zawh a ni a, Khum 8 awm tura tih niin tunah hian mi pathum an khawsa mek a ni. He huna tarlan a nih danin kum 2016 atanga din Observation Home-ah hian a din tirh atangin naupang 142 an awm tawh a. Naupang 139 chhuak tawhin tunah hian naupang 3 an la awm mek a. Kum 7 atanga 18 inkar naupang te awm theihna niin thla 4 an awm thin a. Thla 4 hnuah Special Home, Aizawl-ah sawn an ni thin a. Tunah hian Superintendent hovin thawktu Staff 11 an awm mek a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar