Rualbanlo mi 16,000 vel chhinchhiah an ni tawh

Tun dinhmunah rualbanlo mi 16,000 vel chhinchhiah awmin heng te hi rualbanlohna chi hrang hrang 21 a chhinchhiah an ni.

Nimin khan ‘Workshop on Assessment and Certification of PwD's as per RPwD Act, 2016 (For Specialists and supporting staff)’ chu Aizawl-a DHME Auditorium-ah neih niin he hunah hian RPwD Act, 2016 hnuaiah rualbanlohna chi hrang hrang 21 chhinchhiah an nih thu leh heng rualbanlohna nei te Certificate pe tur hian hetiang lam kaihhnawih Doctor kan neih sa te an daih loh em em avangin Workshop hi buatsaih a ni a. Tun dinhmunah rualbanlo mi 16,000 vel chhinchhiah niin khawpui hrang hrang leh thingtlang khaw hrang hrangah la chhinchhiah loh tam tak an awm bawk a. Mizoram sawrkar hnuaiah rualbanlo qouta (PwD quota) a hna hmu mi 100 bawr vel awmin, an zingah hian lehkhathiam tak tak, sawrkar hna sang thleng chelh an awm bawk tih tarlan a ni.

Nimin-a Workshop hi Health Minister Dr. R. Lalthangliana chuan hmanpuiin rualbanlote chungchang inzirtirna hi kan uar a ngai tih sawiin, a bik takin thingtlang lamah te Disability Certificate nei lo an tam em em a, sawrkar hnena Beng dar vuah tur dil dawn leh thil dang dangah Disability Certificate tel lo chuan a tih theih si loh avangin Disability Survey neih pawh a tul hle a ni, a ti a. Chutih rualin Disability Certificate pekchhuah chungchangah fimkhur a ngai tih sawiin, thenkhat a ni lo zawnga hmang mai duh te pawh an awm theih avangin he Workshop hian an hmalakna turah awmzia thui tak a neih ngei a beisei thu leh a vawi khatna atana hetiang hun buatsaih a ni chu lawmawm a tih thu a sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar