DC in Computer Set hlan

 Serchhip District Bawrhsap Nazuk Kumar IAS chuan MHIP Sub-Hqrs. Serchhip te hnenah nimin khan Computer Set a hlan. Computer Set inhlanna puala inkhawm Serchhip DC Office Chamber-a neih ah Bawrhsap chuan MHIP te chuan hmalakna duhawm leh tha tak tak an nei tih a hriatpui thu sawiin, lawmthu a hrilh a, an kal zelna turah duhsakna a hlan bawk. MHIP Sub-Hqrs. Serchhip hruaitute pawhin Serchhip DC in an mamawh em em Computer Set leh Printer a hlan chu an lawm hle tih an sawi a, Sub-Hqrs. Serchhip hnuaiah hian Branch MHIP 83 an awm thu te leh lehkha pawimawh thawnchhuah kawng ah tunhma lama sum tam tak an lo sen thin chu Computer thar an neih hian nasa takin a chhawk zangkai dawn niin an sawi bawk.