Transformer thar peihfel ta

Serchhip khawpui chawmna tur Electric Transformer thar 6.3MVA chu nimin khan hman theih tura peihfel a ni ta.
Serchhip khawpui chawmna tura Electric Transformer lian, 6.3MVA hi May 15 khan Serchhip rawn phurhthlen niin Department-a thawktu ten buaipui ngai ang ang te an buaipui hnuah nimin khan tlai dar 3:05 khan Ser-chhip Power Division-a EE. Er. Laldawngliana hovin hlawhtling taka charge-in hman theih a ni ta a ni.

Tarlan tawh angin Serchhip Bukpui atang hian Serchhip leh a chhehvel hi 2.5 MVA Transformer pahnih hmangin kawlphetha pek thin a ni a, Serchhip Vengpui lam leh Lungpho tlangdung bakah PHE Pump House chawmna atana hman Transformer hian a zawh loh chang a tam avangin a inchhawk-a kawlphetha pek hi a ngai fo tawh a. Tuna Transformer lian hi hman theih a nih takah chuan he khawl hmang hian Serchip vengpui lam leh Chhiahtlang bakah PHE Pump House te hi khawl thar hmanga kawlphetha pein 2.5 MVA pakhat hmang hian New Serchhip Area zawng pek an ni dawn a. Hemi tur hian a siamrem hna hi ni 2/1 thawh ala ni dawn thung a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man