Vote thlakna khawl chhia te thawnlet dawn

/

Serchhip District-a Vote thlakna khawl awm te enfiahna hmasa, First Level Checking (FLC) chu tluang taka zawhfel niin EVM kawl mekah hman tlak loh hmuhchhuah niin thawnlet a ni ang.
 Kumin a Mizoram in Assembly inthlanpui a hmachhawn tura inbuat-saihna kal meka EVM First Level Checking hi kar hmasa chhung khan Serchhip DC Conference Hall-ah neih niin Serchhip District-a Ballot Unit (BU) 154, Control Unit (CU) 187 leh VVPAT 150 te chu enfiah vek a ni a, heng zingah hian Ballot Unit (BU) 2, Control Unit (CU) 29 leh VVPAT 11 te chu a chhia a, heng te hi tun thla ni 21 khian Company lamah thawnlet a ni dawn a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »